Jón Bragi

Laugardagskvöldi og ég er að passa litla snáðann hann Jón Braga systurson minn sem verður ársgamall í apríl.  Að vanda setti hann upp skeifu þegar ég kom.  Hann tók gleði sína þegar ég fór að mata hann, en þurfti reglulega að taka sér hlé frá borðhaldinu  til að fylgjast með auglýsingum í sjónvarpinu.  Hann verður sérfræðingur í auglýsingum þegar hann verður stór.

Jóni Braga finnst ég fyndin þegar ég bulla, og þess vegna bulla ég mikið þegar ég er með honum.  Hittarinn í kvöld var að syngja Afi minn og amma mín.... með nýjum texta:

Afi, afi, afi, af

amma, amma, amma,

Ólöf, Ólöf, Ólöf, ól,

Íma, Íma, Íma,

 Næsta erindi var í sama dúr, en með nöfnum annarra fjölskyldumeðlima sem hann þekkir.  Litlu verður Vöggur feginn... segir í sögunni, og litli vöggurinn í Hjaltabakka 8 barðist við að halda sér vakandi til að geta hlustað á fleiri erindi af þessum kjarnyrta skáldskap. 

Athugasemdir

[Kristín Björg Þorsteinsdóttir, 12.3.2007 kl. 08:16]

Ég passa stundum lítinn mann sem er að verða tveggja ára. Það er hann Ari Dignus. Mér finnst skemmtilegast að syngja bulltexa og semja lagið jafn óðum. Hann er líklegast eini maðurinn á jörðu sem hefur líka gaman af því. Svo hef ég líka gaman af að spila fyrir hann frábæru barnaplötuna sem hún Margrét Örnólfsdóttir gaf út fyrir um 10 - 12 árum.

[Jónas Sen (IP-tala skráð) 13.3.2007 kl. 13:15]

Vísan kæmi verr ef hún væri svona:

Begga, Begga, Begga, begg

Fríða, Fríða, Fríða,

Jónas, Jónas, Jónas, Jón...