Fjárhættuspil

Hvernig er það, er ekki flugrekstur áhættubissness?  Ótrúlegt að lífeyrissjóðirnir skuli ætla að fjárfesta í  Icelandair.  Flugfélög alls staðar í  heiminum eiga í basli, ekki bara vegna samkeppni, heldur líka vegna ófyrirsjáanlegrar áhættu af flugslysum, og ég tala nú ekki um eldgosum......  en það er kannski of langt síðan Eyjafjallajökull kyrrsetti flugumferð í heiminum til að lífeyrissjóðsmenn muni eftir því, hvað veit ég.  Flugfélög um allan heim, þar á meðal á Íslandi, töpuðu milljörðum.  

Með svona vitringa við stjórnvölinn er það nú ekki beint tilhlökkunarefni að verða gamall á Íslandi, og ekki er hægt að segja að það sé gæfulegt að vera gamalmenni á Íslandi í dag, þegar lífeyrissjóðirnir eru hver af öðrum að skerða áunnin réttindi fólks.  

Ég vona að stjórnendur Icelandair skilji ábyrgð sína og átti sig á því að þeir eru að gambla með fjöregg almennings, - lifibrauð hans í ellinni.

Spenntir fyrir Icelandair

Athugasemdir

[Árni Gunnarsson, 29.6.2010 kl. 16:04]

Það eru tveir menn sem stýra lífeyrissjóðunum þegar upp er staðið. Og eins og allir vita þá heita þeir Hrafn Magnússon og Arnar Sigurmundsson.

Hrafn þekki ég ekki en Arnar er góður fjármálamaður. 

[Sigurður Haraldsson, 29.6.2010 kl. 23:53]

Góður fjármálamaður er ekki til á landi voru!