Á hvítri eyju í bláum sjó

Það er verið að senda út Grikklandsþættina mína á Rás eitt þessar vikurnar.  Sá fyrsti var í gær.  Þetta eru sex þættir um mannlífið á grísku eynni Naxos, en þar var ég í þrjá mánuði í fyrra.

Ef einhver vill hlusta, þá er þátturinn hér:

http://dagskra.ruv.is/streaming/ras1/?file=4349978

 

Svona er þulakynningin:

Í þættinum í dag segir Bergþóra frá hugarangri og heilabrotum sem á endanum leiddu hana til grísku eyjarinnar Naxos í Eyjahafi.  Hún segir frá glímu í grænum sófa við snjáðan atlas, og Atlasana tvo, þann gríska, sem Seifur dæmdi til að bera heiminn á herðum sér og þann lýbíska, sem fyrstur manna teiknaði kort af stjörnuhimininum.  Við sláumst með í för úr græna sófanum, gegnum undrafagurt sólsetur á siglingu milli sögufrægra eyja, og tökum loks land á Naxos, þar sem ævintýrin bíða, og gestgjafinn Dimitri skenkir vín og appelsínur og segir:  Nó vorrís, evríþing fæn.

 

 

Athugasemdir

[María Kristjánsdóttir, 3.6.2007 kl. 21:59]

ég hlustaði á hann í gær í bílnum. hlakka til að heyra meira

[Viðar Eggertsson, 3.6.2007 kl. 22:55]

ég hlustaði og það var gaman! Fínt að heyra aftur í þér í útappinu!

[ek (IP-tala skráð) 4.6.2007 kl. 19:55]

elsku Begga eins og ég hef sagt áður:

þú segir svo fallega frá að ég hlakka mikið  til að heyra meira. Vona að einhver ferðaskrifstofa sponsori þig því þetta vekur manni. ferðalöngun.

Edda

[Jens Sigurjónsson, 6.6.2007 kl. 12:53]

skemmtilegur þáttur. Ég ætla að hlusta á hina 5 líka. Takk.