Samsæriskenning um Evróvisjón

Ég missti af úrslitunum, var upptekin við að hlusta á alvöru tónlist í Laugardalshöll.  En hvaða lag er þetta sigurlag? Hvers vegna er það svona ofboðslega óminnisstætt?   Rámar í þennan söngvara, sem er gjörsamlega flatur, hef heyrt Regínu syngja vel einhvern tíma.   Annars er dapurlegt hvað þessi keppni er laus við húmor, sköpunargleði og háska, - með öðrum orðum, laus við að vera spennandi og skemmtileg.  RÚV hefur líka gert hana óþarflega langdregna og leiðinlega með tilhöguninni eins og hún er búin að vera að undanförnu.  Það hefði verið miklu flottara að hafa þetta bara á einu kvöldi og aðeins færri lög - þau hefðu hvort eð er flest mátt missa sín.

Samsæriskenning mín er á þá leið, að þar til árið 2010 verði einungis send í keppnina lög sem munu örugglega tapa, - því fyrr en Tónlistarhúsið er risið getur RÚV ekki haldið keppni hér svo vel sé.

Þessi úrslit staðfesta kenninguna. 

Eurobandið fer til Serbíu

Athugasemdir

[Brjánn Guðjónsson, 24.2.2008 kl. 13:14]

rétt. íslendingar höfðu um að velja, vel sungið en að öðru leiti óminnisstætt lag án sjónrænna tilburða, eða ekki eins vel sungið en skemmtilegt lag og með góðum sjónrænum tilburðum.

íslendingar kusu flatneskjuna

[Kjartan Valdemarsson, 25.2.2008 kl. 00:00]

Ólafur Elíasson og Björgólfur G. stjórna skiptiborðinu og eru að plotta Caput 2010.

[ímsílíms (IP-tala skráð) 2.3.2008 kl. 19:15]

Sammála þessu Bessí mín, mig hefur grunað þetta í mörg ár, ha ha. Ég var annars alltaf að vona að við myndum vinna bara til að það kæmi í ljós hvað við stöndum illa þegar kemur að húsnæði fyrir keppnina. En annars er nú líklegt að Eurovision á Íslandi yrði bara haldið í einhverri íþróttaskemmunni, fyrst þær eru nógu góðar fyrir sinfóníuna.

[Jens Sigurjónsson, 2.3.2008 kl. 22:57]

Sæl Bergþóra.

Bara að kvitta fyrir mig.

Bestu kveðjur Jenni.