L - fyrir lífið

Frábært!

Nú ætla ég bara að vona að undirbúningsnefndin sýni þá skynsemi að stilla EKKI upp í framboð fólki sem hefur verið á listum pólitísku flokkanna.  Það yrði dauðadómur yfir þessu tiltæki.  Svo geri ég að sjálfsögðu kröfu um að konur verði vel sýnilegar í á listum flokksins.  Það vantar ferskt blóð og nýjar raddir til að tala máli þessara hópa.  Það þarf að sýna fram á fjölbreytileika þeirra og styrk og margvíslegt gildi fyrir samfélagið. Krafan um mannsæmandi kjör og líf aldraðra og öryrkja verður á oddinum og tími kominn til.

 

Hér er loksins að verða til framboð sem í raun og sann hefur málefni að berjast fyrir, EKKI hagsmunapot einstaklinga.  Svo má ekki vanmeta það að hér skapast líka verðugt tækifæri og góður valkostur fyrir alla þá sem eru búnir að fá sig fullsadda af íslenskri flokkapólitík sem er full af inngrónum meinum.

L - fyrir ellismelli!

L - fyrir lítilmagnann!

L - fyrir lífið!

 

Baráttukveðjur!

Bergþóra Jónsdóttir

Aldraðir og öryrkjar stofna til framboðs fyrir næstu Alþingiskosningar

Athugasemdir

[eddak (IP-tala skráð) 24.1.2007 kl. 21:41]

sammála Begga mín. það þarf að hrista ærlega upp í stjórnmálamönnunum. það er ekki orðið eðlilegt hversu margir vantreysta þeim og hvað það er orðin mikil lykt af eiginhagsmunapoti af mörgum ákvörðunum þeirra. hlakka til að fylgjast með hvaða áhrif þetta framboð hefur.

eddak