Múmínmamma ögrar stórveldi

Magnað að vinir mínir yndislegu í Múmíndal skuli hafa þessi áhrif.  Hvet alla til að lesa þessar bókmenntir.  Djúp speki í fallegum búningi fyrir fullorðna ekkert síður en börn og persónur sem allir þekkja í sjálfum sér og öðrum. 

Múmínálfarnir vekja áhyggjur í Kína

Athugasemdir

[Jón Agnar Ólason, 22.4.2010 kl. 16:43]

Alveg eru nú Kínverjarnir met - vilja ekki láta það spyrjast út að Náttúran stjórni sér sjálf, rétt í kjölfar þess að 2000 Kínverjar farast í jarðskjálfta? Þessum blessuðu villuráfandi vesalingum sem stýra landinu, með sinni hjákátlegu skoðanastýringu, er fullkomlega óviðbjargandi.

Burtséð frá Kína þá eru Múmínálfarnir auðvitað hrein klassík, með sínum yndislegu erkitýpum. Ef kínverskir ráðamenn temdu sér háttu og hegðun Snúðs yrði þeim talsvert betur borgið á alla lund. Sem stendur eru þeir meira á Snabba-stiginu; valdahræddir, hégómlegir, breyskir og brjóstumkennanlegir. Forseti vor ætti að gefa Hu Jintao heildaútgáfu á verkum Tove Jansson næst þegar hann klappstýrast þar eystra - Hu yrði fyrir bragðið eflaust hinn farsælasti í starfi sínu.

Svo sendi ég þér sólbjartar sumarkveðjur á þessum fagra fyrsta degi sumars, kæra vinkona - heyrumst vonandi við tækifæri!