Eitt kjördæmi, jöfn atkvæði!

Þetta verður fyrsta krafa mín fyrir nýtt stjórnlagaþing.  Það er óverjandi og stenst ekki stjórnarskrá Íslands að landsmenn skuli ekki jafnir að atkvæðum til lögþings þjóðarinnar.  Þess vegna þarf landið að verða eitt kjördæmi svo atkvæði hvers Íslendings vegi jafnt.  Annað er óþolandi misrétti.

Stjórnlagaþing 17. júní 2010

Er þetta mikið?

Eru þetta ekki mun færri dauðsföll en af venjulegri inflúensu í heiminum ár hvert?

Ekki með svínaflensu

Já, um að gera...

Best að fylgja stefnu flokksins, þá þarf maður örugglega hvorki að hugsa né taka sjálfstæðar ákvarðanir.  Íslensk pólitík í hnotskurn!

„Munum fylgja stefnu flokksins"

Hildur Helga var sannspá!

Auðvitað var ekki hægt að umbera það að konan væri "öðruvísi".  Nú er verið að normalisera hana svo enginn þurfi að kúgast og ranghvolfa augum þegar hún birtist.

 

Oj barasta!

Susan Boyle dressar sig upp

Ekki að ástæðulausu...

.... að maður notar vír.

 

  Gleðilegt sumar!

Brjóstahöld bjarga lífi

Opinberun!

Opinberunin mikla:  kona getur sungið vel, þótt hún sé "hæglát piparjúnka"!

 

Ég veit ekki hvar ég á að byrja að arga og garga yfir fordómunum sem hafa opinberast í hæpinu kringum Susan Boyle. 

Í fyrsta lagi var augljóst hvers dómararnir í keppninni væntu af konunni:  semsagt einskis! 

Í öðru lagi er augljóst að fjölmiðlar hafa í kjölfarið hrópað hver í kapp við annan: "ljót kona getur sungið fallega"!

Í þriðja lagi gleypir almenningur við bullinu og tapar sér í hrifiningu yfir því að ljóta konan geti sungið svona fallega.  

 

"Hæglát piparjúnka" er andstyggilegt orðalag, en sennilega þó það kurteisasta sem um Susan Boyle hefur verið sagt.  Hvað kemur okkur við um hjónabandsstöðu þessarar konu, og hvaða máli skiptir hún þegar söngur hennar er annars vegar?

"Ugly Old Trout" er sennilega andstyggilegasta orðalagið sem ég hef fundið í fjölmiðlum um söngkonuna - þetta var í breska blaðinu The Sun.  Allt þarna á milli hefur birst á prenti:  "ófríð", "ekki með útlitið með sér", "ókysst", "sveitaleg", "púkó", "getur aldrei orðið stjarna af því hún lítur ekki út fyrir að vera stjarna", "gamaldags", "feit", "hallærisleg", "í ömmulegum kjól"......... 

 Ég spyr bara:  Hvar er ljótleikinn?  Er hann ekki hjá þeim sem voga sér að tala svona um manneskju sem hefur ekki gert annað af sér en að láta drauminn um taka þátt í hæfileikakeppni rætast?   Ef Susan Boyle er prófsteinn á umburðarlyndi og víðsýni mannskepnunnar, þá erum við sannarlega vanþroskuð og illa að okkur í þeim efnum og gjörsamlega kolfallin á prófinu.

Og hvað er svona sérstakt við Susan Boyle?

Jú, vissulega er hún frábær söngkona og sennilega ein sú besta sem hefur tekið þátt í þessari sjónvarpskeppni eða öðrum af sama toga þar sem almenningur getur látið reyna á hæfileika sína.  En hún er fjarri því að vera þetta stórbrotna undur sem hún er sögð vera.  Hún hefur mjög góða rödd og syngur músíkalskt, en það gera margir aðrir, og það gera margir aðrir betur.  Susan Boyle er frábær söngkona en hvorki neitt undur né einstök.

Og þá stendur eftir:

Athyglin, umtalið, fjölmiðlafárið snýst um það að "svona" kona skuli geta eitthvað og gera það vel.

Það finnst mér ljótt. 

Susan Boyle er hins vegar falleg vegna þess að hún er ósvikin. 

 

Vinsælli en Obama

Skammastu þín Hörður!

Þú ert meira fífl en ég ímyndaði mér ef þú heldur að forsætisráðherra geti falið veikindi af þessum toga fyrir þjóðinni.  Og þú ert meira fífl en ég ímyndaði mér ef þú hefur ekki meiri manndóm til að bera en að þurfa að láta svona eitruð ummæli frá þér.  Hvernig ætlar þú að réttlæta  meinfýsnina  í garð Geirs gagnvart mér og öðrum þeim sem hafa komið með frið og kærleik í hjarta til að mótmæla?  Geir ber vissulega sína ábyrgð á ástandinu og mótmælin munu halda áfram, en það er hrein illkvittni af þér að atyrða hann fyrir veikindi sem hann ræður ekki við.  Sýndu nú af þér sómatilfinningu og hættu að bulla fyrir hönd okkar hinna.  Nú er kominn tími til að ÞÚ segir af þér og sitjir heima á morgun meðan við hin höldum áfram að mótmæla í friði og spekt.

Hænuskref í rétta átt

Myndagetraun úr kreppunni - Hvað heitir konan á myndinni?

.... er ekki eitthvað kynlegt við þetta?

Draumalandið - In memoriam

Draumalandið

Ó, leyf mér þig að leiða
til landsins fjallaheiða
með sælu sumrin löng.
Þar angar blómabreiða
við blíðan fuglasöng.

Þar aðeins yndi fann ég,
þar aðeins við mig kann ég,
þar batt mitt tryggðaband,
því þar er allt sem ann ég.
Þar er mitt draumaland.

Þetta er ísbjörn

Mér finnst allt benda til þess að þetta sé ísbjörn.  Sjáiði það ekki?

Sæskrímsli á Long Island?

Beverly Sills og Svínka

Dudley spilar Schubert

Dásamlegi Dudley spilar Beethoven

Ég líð líka fyrir þjáningar Brians

Óþolandi ofbeldi

Hvenær voru galdrabrennur aflagðar á Íslandi?  Svona meðferð á fólki verður að stöðva strax.  Það er svo athyglisvert að fyrir utan einn karlmann eru þetta konur.  Spurning hvaða frumkvæði konur í Íran hafa að vændi, sifjaspellum og framhjáhaldi.  Einhvern veginn grunar mig að orð þeirra gagnvart orðum karlmannanna sem þær hljóta þá að hafa misbeitt kynferðislega vegi létt.  Einhvern veginn grunar mig líka að þær konur sem verða grýttar fyrir sifjaspell séu sjálfar þolendur ofbeldis karlmanna í eigin fjölskyldu.  Það er jú talsvert algengara en að konur leiti á eigin syni.  Ég er bara ansi hrædd um að fréttir af þessu tagi verði notaðar til að réttlæta innrás í Íran, og það verður fórnarlömum þessa misréttis engan vegin til bóta, heldur mun innrás kalla miklar hörmungar yfir milljónir Írana.  Ég held að Bandaríkjamenn ættu að fara pakka ofbeldisfullri árásarstefnu sinni í heiminum saman í eitt skipti fyrir öll, og leyfa friðsamari Evrópuþjóðum að díla við stjórnmálamenn í miðausturlöndum.

Níu manns bíða þess að vera grýtt til bana

Vegna fjölda áskorana .....

Mannvinurinn mikli

Mannvinurinn mikli gerir þetta sjálfsagt í nafni kristilegs kærleika og umburðarlyndis.

Bush gefur gult ljós á árás

Áfram Þórunn!

Til hamingju Þórunn!

Þórunn hefur verið frábær aðstoðarskólastjóri og pottþétt þegar á hefur reynt.  Pétur Orri, sem nú lætur af störfum skólastjóra hefur líka verið afburða skólastjóri, og kennari, og saman hafa þau skilað nemendum sínum ákaflega vel undirbúnum inn í framhaldsskólann.  Það er einstakt í Hvassó hvað kennarar hafa unað sér þar lengi, jafnvel áratugum saman.  Það segir manni að þar hefur verið gott að starfa.

Bestu kveðjur til ykkar beggja frá mér og mínum.

Nýr skólastjóri í Hvassaleitisskóla

Konurnar í Abyaneh

Það væri nú fróðlegt að vita hvaða erindi konur í íranska þorpinu Abyaneh eiga við þessa frétt?  Eru þetta vændiskonurnar, eða eru þetta konurnar sem ungu mennirnir í fyrirtækinu eru að hugsa um að biðja um að giftast sér? 

Verða reknir gangi þeir ekki í hjónaband

Fiskisaga

Það er sorglegt hvernig Fiskisaga hefur verið að ryðja gömlu góðu fiskbúðunum úr vegi einni af annarri.  Fiskurinn hjá þeim er líka óhugnanlega dýr, og alls ekki alltaf jafn ferskur og maður fékk hjá einyrkjunum meðal fisksala sem voru á tánum að þóknast viðskiptavinum sínum.  Nú þarf maður virkilega að hafa fyrir því að finna góðar fiskbúðir.

Ömurlegt!

.....maður ætti kannski bara að drífa sig á sjóstöng?

Flestir starfsmenn Fiskisögu endurráðnir